Un guía nunha ilusionante aventura…

Orientación…

… quen quere coroar o Everst precisa dun Sherpa e do mesmo xeito quen quere poñer novo rumbo á súa vida pode precisar de algúen que xa teña navegado esas augas.

Non quero ofrecer un servizo «enlatado» no que che prescriba os adestramentos que terías que facer para te converter naquilo co que soñas, porque o máis probable sería verte fracasar.

Creo que podemos ver cal é o teu punto de partida e onde se atopa o porto ó que desexas arribar, valorar as ferramentas coas que contamos e as distintas rutas que podemos tomar…

Quero traballar con persoas, e as persoas coma ti tendes traballo, familia, doenzas, debilidades e fortalezas, preocupacións, proxectos e soños… (*) coñecementos e experiencia

Xestión do tempo…

… todas esas cousas que ocupan a vida dunha persoa, coma ti, tamén ocupan o seu tempo. O propósito de cumplir un soño vese frustrado en ocasións por falta de tempo: que fago mañá?, como encaixo o que me plantexo facer entre as miñas obrigas?

Existen numerosas alternativas e solucións a todo un feixe de imprevistos e circunstancias cotiáns. A todas elas me teño enfrontado tamén na miña vida de deportista veterano obrigado a compaxinar vida laboral, familiar e deportiva.

Motivación…

… o camiño cara o cumio non sempre é ascendente. En calquera camiño aparecen obstáculos. Unha lesión, unha enfermidade, circunstancias laborais cambiantes…

Contar coa guía correcta vaiche aportar a confianza suficiente para acadar a túa meta a pesar dos momentos de dúbidas e debilidade que podes ter por seguro que chegarán.

Asesoramento…

… unha persoa camiña, corre, monta en bici… e tamén come, durme, sente, preocúpase… vive!

O meu traballo apoiase, aparte da formación académica, na experiencia persoal propia con múltiples profesionais de distintas áreas cos que manteño contacto estreito e ós que derivaremos sen dubidar no caso de ser preciso.