O primeiro é coñecerte…

… igual que o médico che ausculta, o mecánico proba o coche ou o arquitecto fai un estudo do terreo onde ten que construir a casa… a profesionalidade de todos é a que marca a diferenza.

Para axudar a unha persoa a cambiar os seus hábitos é preciso saber como é a súa vida; para mellorar a condición física dunha persoa hai que coñecer o seu estado; para acompañar a un deportista cara o seu máximo rendemento hai que estimar onde imos poder atopar os seus límites…

Escoller o camiño…

… no parágrafo anterior falo de localizar o punto de partida, xuntos decidiremos en que punto podemos poñer a meta. Entre ambos pode haber múltiples camiños pero día a día iremos escollendo cal é o mellor no mapa da túa vida, o teu traballo e as túas obrigas.

Comezar o camiño…

… como calquera cambio importante na vida, adquirir novos hábitos ou un novo sistema de adestramento requiren tempo e unha planificación. Sabes por que hai un campamento base no Everest? Porque a ninguén se lle ocorre tratar de chegar ó cumio dunha tirada.

No periodo de adaptación teremos un contacto máis constante onde iremos tratando de implementar novos hábitos e estratexias cada semana tendo en conta circunstancias persoais, horarios e gustos.

Manter a ilusión…

… se unha palabra destacan en min a xente que me coñece é «ilusión», e sinto pánico cando alguén me confesa estar «motivado» para acadar unha meta ou un soño.

A motivación é un neno con un pequeno caldeiro tratando de baleirar o océano nunha praia. Con ilusión podemos poñerlle a ese neno unha bañeira na area e que vexa que con cada viaxe o nivel da auga sube un chisco.

Os grandes cambios nacen de esas pequenas cousas que podemos ir moldeando sen esforzo. «O poder non esta nos hábitos se non no tempo que se manteñen», Raimon Samsó (escritor).